હા,બાપ અમે તો વહવાયાં...
આમ તો એક હેડીના
પણ કાંઈ પટેલના પેંગડામાં પગ ઘલાય?
કે બાપુની ભેંસને ડોબું કહેવાય?
બૈરી, છોકરાં,ગધેડાં,ચાકડો, નીંભાડો-
બધાં અમારે તો વાડમાં પડ્યાં ઉછરે,
દા'ડી-દપાડી, ઉછીઉધારાં,
કેડની કમાણી કે બાવડાંની બરક્ત
કલાડી-કોડિયાં કે ચરવો-ચપણિયાં-
બસ,એમ પેટવડિયે થાય તીસ દી'નો ગુજારો.
ના ધનારખ ના મિનારખ,
ના અણોજો ના આતવાર...
બસ,ઊંબેળ્યું, ઊપણ્યું કે ઓઘલ્યું
ને એમ આંતરડે વળી ગાંઠયો
ને કાંસકી થઈ ગઈ પાંસળીઓ,
તોય વરસૂંદમાં તો બળ્યો ઝૂંઝો ને સલો?
'લ્યા ભઈ, મેં તે શી ગધાડી ઝાલી
કે આ જન્મારાની ગાંડગુલામી?
No comments:
Post a Comment